SDG Compass - მდგრადი განვითარების მიზნების კომპასი 

ონლაინ ინსტრუმენტი კომპანიებისათვის, რომელიც ერთობლივადაა შექმნილი ანგარიშგების გლობალური ინიციატივის (GRI), გაეროს გლობალური შეთანხმების (UN Global Compact) და მდგრადი განვითარების მსოფლიო ბიზნეს საბჭოს მიერ (WBCSD). ვებგვერდის მიზანია კომპანიებს მიაწოდოს მითითებები და ინსტრუქციები იმის თაობაზე, თუ როგორ მოახდინონ საკუთარი სტრატეგიების და პროგრამების ჰარმონიზაცია მდგრადი განვითარების მიზნებთან და წვლილი შეიტანონ ამ მიზნების განხორციელებაში.

ვებგვერდზე ხელმისაწვდომია სახელმძღვანელო ბიზნესისთვის: SDG Compass: The guide for business action on the SDGs 

ვებგვერდი, ასევე, გვთავაზობს მრავალ სასარგებლო და მოქნილ ინსტრუმენტს, მაგ.:

• მდგრადი განვითარების მიზნების განმარტებას, სადაც თითოეული მიზნისათვის წარმოდგენილია ინფორმაცია შემდეგ საკითხებზე:
  • როგორია ბიზნესის როლი აღნიშნული მიზნის შესრულებაში;
  • ბიზნესისთვის რელევანტური თემები და საკითხები, რომლებიც ამ მიზანს უკავშირდება;
  • კომპანიის შესაძლო ქმედებების/ინიციატივების ჩამონათვალი აღნიშნულ მიზანთან მიმართებით;
  • ამ მიზანთან დაკავშირებული ინდიკატორები, ამოცანები და მათი შესრულების ინსტრუმენტები.
• SDG ინდიკატორების დირექტორიას საძიებო სისტემით, რომელიც საშუალებას გვაძლევს მოვიძიოთ ინდიკატორები თითოეული მიზნისა და ამოცანისათვის.
• ასევე, SDG მიზნებთან დაკავშირებული სხვადასხვა ინსტრუმენტების დირექტორიას შესაბამისი საძიებო სისტემით, რომელიც შესაძლებელს ხდის ამ ინსტრუმენტების დაჯგუფებას და ძიებას მიზნების, თემების, თავად ინსტრუმენტების ტიპოლოგიის და მათი ავტორების მიხედვით.

ეწვიეთ ვებგვერდს

SDG Knowledge Hub - მდგრადი განვითარების მიზნების საინფორმაციო რესურს პორტალი

 მდგრადი განვითარების საერთაშორისო ინსტიტუტის მიერ შექმნილი SDG Knowledge Hub (მდგრადი განვითარების მიზნების საინფორმაციო რესურს პორტალი), რომელზეც თავმოყრილია უზარმაზარი ინფორმაცია მდგრადი განვითარების საკითხებთან და SDG მიზნების განხორციელებასთან დაკავშირებით:

• სიახლეები,
• ღონისძიებები,
• პუბლიკაციები,
• ანგარიშები და კვლევები,
• მდგრადი განვითარების მიზნებთან დაკავშირებული პოლიტიკების მიმოხილვა,
• პროექტების შესახებ ინფორმაცია და ა. შ.
  
  

ვებგვერდს აქვს  მოსახერხებელი საძიებო სისტემა - წარმოდგენილი ინფორმაციის დაჯგუფება და მოძიება შესაძლებელია მდგრადი განვითარების ცალკეული მიზნების მიხედვით, ცალკეული თემებისა და საკითხების მიხედვით (მაგ.: ბიომრავალფეროვნება, გენდერი, სიღარიბე და ა. შ.), რეგიონების მიხედვით, განმახორციელებელი უწყების/სექტორის მიხედვით (მაგ.: ეროვნული მთავრობები, საერთაშორისო ინსტიტუტები, გაეროს პროგრამები და უწყებები, დაინტერესებულ მხარეთა ჯგუფები, მთავრობათაშორისი ორგანიზაციები და ა. შ.).

  ეწვიეთ ვებგვერდს

UN Knowledge platform on SDGs - გაეროს ცოდნის პლატფორმა მდგრადი განვითარების მიზნების შესახებ

გაეროს ცოდნის პლატფორმა მდგრადი განვითარების მიზნების შესახებ მოიცავს მრავალფეროვან ინფორმაციას:

• თითოეული მიზნის შესახებ
• საკითხების შესახებ (მაგ.: ქიმიკატები და ნარჩენები; კლიმატის ცვლილება; მწვანე ეკონომიკა და ა. შ.)
• ღონისძიებების შესახებ
• რელევანტურ პუბლიკაციებს და რესურსებს
  
  

ამავე პლატფორმაზე განთავსებულია  SDG-ს განხორციელების საუკეთესო მაგალითების შემცველი უნიკალური მონაცემთა ბაზა (SDG good practices database), რომელიც მოიცავს 5000-ზე მეტ მაგალითს, მათი დაჯგუფება და ძებნა შესაძლებელია როგორც ცალკეული მიზნების მიხედვით, ისე ქვეყნების და რეგიონების მიხედვით. 

ეწვიეთ ვებგვერდს

SDG Industry matrix - მდგრადი განვითარების მიზნების ექვსი სექტორული სახელმძღვანელოები

გაეროს გლობალურმა შეთანხმებამ და KPMG-მ ერთობლივად შეიმუშავეს მდგრადი განვითარების მიზნების ექვსი სექტორული სახელმძღვანელო - SDG Industry matrix - შემდეგი სექტორებისათვის:

• ფინანსური სერვისები;
• საკვები, სასმელი და საყოფაცხოვრებო საქონელი;
• ჯანდაცვა; 
• მრეწველობა;
• ტრანსპორტი;
• ბუნებრივი რესურსები, ენერგეტიკა და ქიმიკატები.
  
  

 თითოეული სექტორისთვის შემუშავებულ სახელმძღვანელოში განხილულია, როგორ შეიძლება აღნიშნული სექტორის კომპანიამ წვლილი შეიტანოს თითოეული მიზნის შესრულებაში და მოტანილია საუკეთესო მაგალითები, აღწერილია შესაძლო ინიციატივები და პროგრამები.

იხილეთ სახელმძღვანელოები

SDG Business Hub - მდგრადი განვითარების მსოფლიო ბიზნეს საბჭოს (WBCSD) SDG ბიზნეს ჰაბი

საინტერესო და ღირებული პლატფორმა, მრავალრიცხოვანი ინფორმაციითა და რესურსებით, ფოკუსირებულია ბიზნესისთვის აქტუალურ ასპექტებზე SDG მიზნებთან დაკავშირებით. პლატფორმის მიზანია დაეხმაროს ბიზნესს და მიაწოდოს საჭირო რესურსები და ინფორმაცია მდგრადი განვითარების მიზნების გასაგებად  და საკუთარ პოლიტიკებსა და საქმიანობაში ამ მიზნების გასათვალისწინებლად.

პლატფორმა მოიცავს ბიზნესისთვის რელევანტურ მრავალრიცხოვან რესურსს მდგრადი განვითარების მიზნების შესახებ

• ანგარიშებს და პუბლიკაციებს
•  ვიდეოებს
•  ვებინარების ჩანაწერებს 
• კომპანიების მიერ საკუთარ პოლიტიკებსა და სტრატეგიებში მდგრადი განვითარების მიზნების ინტეგრირების საუკეთესო მაგალითებს 
• სექტორულ სახელმძღვანელოებს და სტრატეგიებს მდგრადი განვითარების მიზნებთან მიმართებით
• ონლაინ ინტერაქტიურ სახელმძღვანელოს SDG Essentials for Business 
  
  

და მრავალ სხვა სასარგებლო ინფორმაციას.

ეწვიეთ ვებგვერდს

გაეროს გლობალური შეთანხმების საინფორმაციო პლატფორმა The SDGs Explained for Business 

აღნიშნული პლატფორმა წარმოადგენს გაეროს გლობალური შეთანხმების ვებგვერდის სექციას, რომელშიც მოცემულია მნიშვნელოვანი ინიციატივების და რესურსების ჩამონათვალი თითოეული მიზნისათვის, აგრეთვე - სასარგებლო ინფორმაცია, თუ როგორ უნდა დაუჭიროს ბიზნესმა მხარი თითოეულ მიზანს, რა ტიპის ინიციატივები და პროგრამები შეიძლება განახორციელოს.

ეწვიეთ ვებგვერდს

გაეროს გლობალური შეთანხმების (UNGC) და ანგარიშგების გლობალური ინიციატივის (GRI) ერთობლივი პლატფორმა ‘Business Reporting on the SDGs’ – an Action Platform

„ბიზნესის ანგარიშგება გლობალური მიზნების შესახებ“ არის პასუხისმგებელი ბიზნესის ხელშემწყობი  ორი უმსხვილესი ინიციატივის - ანგარიშგების გლობალური ინიციატივის (Global Reporting Initiative/GRI) და გაეროს გლობალური შეთანხმების (UNGlobal Compact) თანამშრომლობით შექმნილი პლატფორმა, რომლის მიზანია ხელი შეუწყოს გლობალური მიზნების შესახებ კორპორაციულ ანგარიშგებას. ეს ინიციატივა ჩაფიქრებულია როგორც GRI მდგრადი განვითარების ანგარიშგების ფორმატისა და გლობალური შეთანხმების ანგარიშგების ფორმატის (CoP) შემავსებელი, რომელიც ხელს შეუწყობს გლობალური მიზნების განხორციელებაში კომპანიების შეტანილი წვლილის შეფასებას და ამის შესახებ ანგარიშგებას.

პლატფორმის ფარგლებში შექმნილია სამი სახელმძღვანელო SDG-ის შესახებ ანგარიშგების გამარტივებისთვის:

• მიზნების და ამოცანების ანალიზი (Analysis of the Goals and Targets) -  სახელმძღვანელო, რომლის მიზანია დაეხმაროს კომპანიებს გააცნობიერონ, როგორ ახდენენ ისინი ზეგავლენას გლობალურ მიზნებზე და როგორ უნდა წარმოადგინონ ამის შესახებ ანგარიში. სახელმძღვანელო შეიცავს ინდიკატორების ჩამონათვალს, რომლებიც კომპანიებს შეუძლიათ გამოიყენონ გლობალურ მიზნებზე ანგარიშგებისათვის, ასევე, შესაძლო ქმედებების და ინიციატივების აღწერას, რომელთა მეშვეობით კომპანიამ შეიძლება წვლილი შეიტანოს გლობალური მიზნების განხორციელებაში. 
• გლობალური მიზნების ინტეგრირება კორპორაციულ ანგარიშგებაში - პრაქტიკული სახელმძღვანელო (Integrating the SDGs into Corporate Reporting: A Practical Guide):  გამოცემაში აღწერილია სამეტაპიანი პროცესი, თუ როგორ შეიძლება SDG მიზნების ინტეგრირება საკუთარ ბიზნეს საქმიანობასა და ანგარიშგების პროცესში.
• გამოცემა „ფოკუსში: გლობალურ მიზნებზე ანგარიშგება - ინვესტორთა საჭიროებების საპასუხოდ“ (In Focus: Addressing Investor Needs in Business Reporting on the SDGs ) - შეიცავს დამატებით რეკომენდაციებს, როგორ უნდა იყოს წარმოდგენილი მონაცემები კორპორაციულ ანგარიშში გლობალური  მიზნების სხვადასხვა ასპექტებზე, რომ უპასუხოს ინვესტორთა კონკრეტულ ინფორმაციულ საჭიროებებს (და შესაბამისად, ხელი შეუწყოს მდგრად ინვესტიციებს). 

ეწვიეთ ვებგვერდს