30/06/2023

ფორუმის პირველ სამუშაო შეხვედრას, რომელიც 30 ივნისს გაიმართა, 40 სხვადასხვა სამოქალაქო და საერთაშორისო ორგანიზაციის, ბიზნეს ასოციაციის, საგანმანათლებლო/აკადემიური დაწესებულებისა და სახელმწიფო სექტორის წარმომადგენელი ესწრებოდა. მათ იმსჯელეს საქართველოში იმ შესაძლებლობებსა და ნაბიჯებზე, რაც CSR-ის განვითარებისა და მისი ხელშემწყობი გარემოს ჩამოყალიბებისკენ უნდა გადაიდგას. 

შეხვედრაზე, პრეზენტაციებით წარდგნენ ქართველი და ევროპელი ექსპერტები, რომლებიც CSRDG-ის ორგანიზებით CSR-ის ხელშემწყობი სახელმწიფო ჩარჩო-პოლიტიკის რეკომენდაციებსა და ადვოკატირებაზე მუშაობენ: 

• აუდრონე ალიოშიუტე - პაულაუსკიენე, ლიეტუის მდგრადი ბიზნესის ასოციაციის „ლავას“ მმართველი დირექტორი,
• ქეთრინ ჰენი, ირლანდიის CSR-ის დაინტერესებულ მხარეთა ფორუმის თავმჯდომარე
• დავით მაისურაძე, ილიას უნივერსიტეტის ასოცირებული პროფესორი
• გიორგი პაპავა, ISET-ის კვლევითი ინსტიტუტი, წამყვანი ეკონომისტი

პრეზენტაციების შემდეგ გაიმართა დისკუსია შემდეგ საკითხებზე:

• კორპორაციული სოციალური პასუხისმგებლობის შესახებ საზოგადოების ცნობიერების ამაღლება - შესაძლო ქმედებები
• კომპანიების ინფორმირება კორპორაციული პასუხისმგებლობის მნიშვნელობის შესახებ და CSR-ის პოპულარიზაცია
• დაინტერესებულ მხარეთა დიალოგი და პარტნიორობა კორპორაციული პასუხისმგებლობის საკითხებზე
• მცირე და საშუალო საწარმოებში კორპორაციული პასუხისმგებლობის ხელშეწყობის ინსტრუმენტები
• როგორ შევუწყოთ ხელი ბიზნესის ჩართვას მდგრადი განვითარების მიზნების ეროვნული გეგმის განხორციელებაში
• მდგრადი საჯარო შესყიდვები საქართველოში - სოციალური და გარემოსდაცვითი კრიტერიუმები ინტეგრირება

გამოითქვა მრავალი საინტერესო მოსაზრება,  რაც აისახება შემუშავებულ რეკომენდაციებში.