• 2018 წელს დავაფუძნეთ საქართველოს პასუხისმგებელი ბიზნესის კონკურსი Meliora, რომელიც საქართველოში ერთ-ერთი ყველაზე მასშტაბური ყოველწლიური ღონისძიებაა პასუხისმგებელი ბიზნესის სფეროში

• 2018 წელს დავაფუძნეთ CSR მედია კონკურსი „ჟურნალისტები კორპორაციული სოციალური პასუხისმგებლობისთვის“

• ჩავატარეთ რამდენიმე სტუდენტური კონკურსი პასუხისმგებელი ბიზნესის თემაზე

CSRDG რეგულარულად ატარებს საგანმანათლებლო-სასწავლო ღონისძიებებს კორპორაციული სოციალური პასუხისმგებლობის საკითხებზე; ორგანიზებული და ჩატარებული აქვს, წამყვან საერთაშორისო ექსპერტებთან თანამშრომლობით, მრავალი ტრენინგი, სემინარი, საზაფხულო სკოლა და საჯარო ლექცია CSR-ზე სხვადასხვა სამიზნე ჯგუფებისთვის - კომპანიებისთვის, ჟურნალისტებისთვის, სამოქალაქო ორგანიზაციებისათვის, ადგილობრივი და ცენტრალური ხელისუფლების  წარმომადგენლებისათვის.

CSR-ის თემაზე დიალოგის ხელშეწყობის მიზნით CSRDG-ს ჩატარებული აქვს დაინტერესებულ მხარეთა არაერთი მასშტაბური ფორუმი ისეთ საკითხებზე, როგორიცაა: CSR და სახელმწიფო პოლიტიკა, მდგრადი განვითარების ანგარიშგება, სექტორთაშორისი თანამშრომლობა, CSR და შრომითი სტანდარტები, გარემოს დაცვა და ა. შ.

საზოგადოებისათვის ცოდნისა და ინფორმაციის მიწოდების მიზნით შექმნილი გვაქვს რამდენიმე ვებ-პლატფორმა:

• კორპორაციული სოციალური პასუხისმგებლობის საინფორმაციო ჰაბი >

• CSR ბლოგი >

• პრო ბონო სერვისების მედიაციის და საინფორმაციო რესურსების ონლაინ პლატფორმა >

საზოგადოებაში CSR-ის პოპულარიზაციის და ცნობიერების ამაღლების მიზნით ჩატარებული გვაქვს არაერთი საკომუნიკაციო კამპანია

• 2011 წელს CSRDG-მ ოთხ ქართულ უნივერსიტეტთან ერთად ხელი მოაწერა მემორანდუმს საქართველოს უნივერსიტეტებში CSR-ის სწავლების ხელშეწყობის თაობაზე

• CSRDG-მ მოამზადა პირველი ქართულენოვანი სახელმძღვანელო კორპორაციულ სოციალურ პასუხისმგებლობაზე საქართველოს უნივერსიტეტებისა და სასწავლო დაწესებულებებისათვის (2011 წ.)

• 2011 წელს CSRDG-ის ექსპერტმა საქართველოს უმაღლესი სასწავლებლებისათვის შეიმუშავა სალექციო კურსი/სილაბუსი „კორპორაციული სოციალური პასუხისმგებლობა“, რომელიც დღემდე იკითხება კავკასიის უნივერსიტეტში

• CSRDG-ის ექსპერტები რეგულარულად ატარებენ საჯარო ლექციებს კორპორაციულ სოციალურ პასუხისმგებლობაზე თბილისისა და რეგიონული უნივერსიტეტების სტუდენტებისათვის.

• საქართველოში CSR -ის ხელშემწყობ სახელმწიფო პოლიტიკაზე მსჯელობას საფუძველი დავუდეთ 2011-2012 წლებში სხვადასხვა სექტორის წარმომადგენელთა და ექსპერტთა სამუშაო შეხვედრების სერიით

• 2012 წელს CSRDG-მ მოამზადა ვრცელი ანალიტიკური კვლევა ,,კორპორაციული სოციალური პასუხისმგებლობა და საჯარო სექტორის როლი“ და შეიმუშავა რეკომენდაციები საქართველოს მთავრობისათვის CSR-ის ხელშემწყობი სახელმწიფო პოლიტიკის თაობაზე

• CSRDG-ს ჩატარებული აქვს დაინტერესებულ მხარეთა რამდენიმე ფორუმი და მასტერკლასი CSR-ის განვითარებისკენ მიმართული სახელმწიფო პოლიტიკის თემაზე (2012-2019 წლებში)

• CSRDG იყო პირველი ქართული ორგანიზაცია, რომელმაც 2009 წელს გამოაქვეყნა მდგრადი განვითარების ანგარიში GRI საერთაშორისო სტანდარტის მიხედვით

• CSRDG-მ მოამზადა და გამოაქვეყნა 2008 წელს GRI ანგარიშგების სახელმძღვანელო მითითებების (G3) ქართული ვერსია

• CSRDG-მ არაერთი ღონისძიება - ტრენინგი, დაინტერესებულ მხარეთა ფორუმი და სემინარი ჩაატარა მდგრადი განვითარების ანგარიშგების თემაზე, GRI-ის ექსპერტებთან და სხვა საერთაშორისო ექსპერტებთან თანამშრომლობით

• CSRDG საკონსულტაციო დახმარებას სთავაზობს კომპანიებს GRI ფორმატით მდგრადი განვითარების ანგარიშის მოსამზადებლად.

• 2015 წელს CSRDG-ის ინიციატივით დაფუძნდა საქართველოს წამყვან კომპანიათა Pro Bono ქსელი, რომლის საქმიანობასაც კოორდინირებას უწევს CSRDG

• 2015 წლიდან CSRDG ახორციელებს პრო ბონო სერვისების მედიაციის ინიციატივას და აკავშირებს ერთმანეთთან პასუხისმგებელ კომპანიებსა და ბენეფიციარ სამოქალაქო ორგანიზაციებს პრო ბონო სერვისების ხელმისაწვდომობისათვის

• 2015 წლიდან CSRDG-ს მედიაციით განხორციელებული პრო ბონო პროგრამებით სამოქალაქო ორგანიზაციების 200-მდე პრობლემა გადაიჭრა

CSRDG-ის ექსპერტთა გუნდი მრავალფეროვან საკონსულტაციო დახმარებას სთავაზობს ბიზნეს კომპანიებს კორპორაციული სოციალური პასუხისმგებლობის სხვადასხვა საკითხზე (CSR ანგარიშის მომზადება, CSR სტრატეგიის შედგენა და სხვა.