„გაეროს სახელმძღვანელო პრინციპები ბიზნესისა და ადამიანის უფლებების შესახებ“ შეიცავს სახელმძღვანელო მითითებებს და რეკომენდაციებს კომპანიებისთვის, თუ როგორ უნდა აიცილონ თავიდან, მართონ და აღმოფხვრან ადამიანის უფლებების დარღვევის ფაქტები ბიზნესსაქმიანობაში. „პრინციპები“ ეფუძნება გაეროს ფუძემდებლურ სტანდარტებს ადამიანის უფლებებისა და შრომითი საქმიანობის სფეროში. ინიციატივა 2011 წელს წარადგინა გაეროს სპეციალურმა წარმომადგენელმა ბიზნესისა და ადამიანის უფლებების შესახებ და დაამტკიცა გაეროს ადამიანის უფლებების საბჭომ. იმავე დადგენილების მიხედვით, გაეროს ადამიანის უფლებების საბჭომ დააფუძნა გაეროს სამუშაო ჯგუფი ბიზნესსა და ადამიანის უფლებებზე, რომელიც აღნიშნული პრინციპების განხორციელების ხელშესაწყობად შეიქმნა. „პრინციპებს“ მხარი დაუჭირეს გაეროს წევრმა სახელმწიფოებმა.