„მომხმარებელთა დაცვის სახელმძღვანელო პრინციპების“ თავდაპირველი ვერსია გაერომ 1985 წელს მიიღო, Consumers International-ის წამოწყებული წარმატებული კამპანიის შემდეგ. დოკუმენტი გადაიხედა და განახლდა 1999 წელს და შემდეგ 2015 წელს, რათა შესაბამისობაში ყოფილიყო არსებულ გამოწვევებთან.
„სახელმძღვანელო პრინციპები“ – ეს არის მომხმარებელთა დაცვის საუკეთესო პრაქტიკის ამსახველი საერთაშორისო ინსტრუმენტი. ამ სტანდარტს არ აქვს სავალდებულო ხასიათი, თუმცა მის ლეგიტიმაციას და ავტორიტეტს ამყარებს გაეროს გენერალური ასამბლეის აღიარება და მსოფლიოს სხვადასხვა ქვეყნისა და ექსპერტების მხარდაჭერა.
„სახელმძღვანელო პრინციპები“ არის გაეროს წევრი სახელმწიფოებისათვის განკუთვნილი სარეკომენდაციო ხასიათის მითითებები, სადაც ჩამოყალიბებულია მომხმარებელთა დაცვის ძირითადი პრინციპები.