OECD-ის კონვენცია „საერთაშორისო ბიზნესტრანზაქციებში უცხოელი საჯარო მოხელეების კორუფციასთან ბრძოლის შესახებ“ წარმოადგენს ერთ-ერთ ძირითად დოკუმენტს, რომელიც საერთაშორისო დონეზე არეგულირებს ბიზნესის სოციალური პასუხისმგებლობის ანტიკორუფციულ ასპექტს.
კონვენცია ძალაში შევიდა 1999 წელს. მას მიერთებულია 44 ქვეყანა – OECD-ის 37 წევრი და 7 არაწევრი ქვეყანა (არგენტინა, ბრაზილია, ბულგარეთი, სამხრეთი აფრიკა). ეს ქვეყნები ვალდებულებას იღებენ, შესაბამისი ცვლილებები შეიტანონ ნაციონალურ კანონმდებლობაში, რაც უზრუნველყოფს კონვენციასთან შესაბამისობას.
OECD-ის კონვენციაში ჩამოყალიბებულია სამართლებრივად სავალდებულო სტანდარტები საერთაშორისო ბიზნესტრანზაქციებში უცხოელი მოხელეების მოქრთამვის კრიმინალიზაციისთვის და განსაზღვრავს, რა ღონისძიებების გატარებაა საჭირო ამ სტანდარტის განსახორციელებლად. ის წარმოადგენს ერთადერთ საერთაშორისო ანტიკორუფციულ ინსტრუმენტს, რომელიც შეეხება მექრთამეობის „მიმწოდებელ მხარეს“ (ანუ ქრთამის შემთავაზებელს).