IFC Performance Standards
საერთაშორისო-საფინანსო კორპორაციის (IFC) სტანდარტები

IFC-ის გარემოსდაცვითი და სოციალური სტანდარტები განსაზღვრავს საერთაშორისო-საფინანსო კორპორაციის (IFC) კლიენტების პასუხისმგებლობას სოციალური და გარემოსდაცვითი რისკების მართვაზე. სტანდარტები ვრცელდება ყველა საინვესტიციო პროექტზე, რომელიც IFC-ის შეფასებას გაივლის. სტანდარტები ამოქმედდა 2006 წლის აპრილში, ხოლო 2012 წელს გამოქვეყნდა  განახლებული ვერსია.

საერთაშორისო-საფინანსო კორპორაციის  სტანდარტების მიზანია  შეამციროს  დაფინანსებული პროექტების ნეგატიური გავლენა ბუნებრივ გარემოსა და ადგილობრივ თემებზე. სტანდარტები განსაზღვრავს IFC-ის კლიენტი კომპანიების ვალდებულებებსა და ფუნქციებს პროექტების მართვისას, ასევე აყალიბებს სავალდებულო მოთხოვნებს, რომელთა დაკმაყოფილებაც საჭიროა IFC-ისგან ფინანსური მხარდაჭერის მისაღებად.

 IFC-ის „გარემოსდაცვითი და სოციალური სტანდარტები“ მოიცავს 8 სტანდარტს, რომლებიც შეეხება შემდეგ საკითხებს: 

1. სოციალური და გარემოსდაცვითი რისკების შეფასება და მართვა;
2. მშრომელთა უფლებები და სამუშაო პირობები;
3. რესურსების ეფექტური გამოყენება და გარემოს დაბინძურების შემცირება;
4. ადგილობრივი თემის ჯანმრთელობაზე და უსაფრთხოებაზე ზრუნვა;
5. მიწის შესყიდვა და იძულებითი განსახლება;
6. ბიომრავალფეროვნების შენარჩუნება და მდგრადი მართვა;
7. მკვიდრი მოსახლეობის უფლებების დაცვა;
8. კულტურული მემკვიდრეობის დაცვა.

იხილეთ წყარო