GRI: ახალი კვლევა ბიზნესის წვლილზე მდგრადი განვითარების მიზნების მიღწევაში
17/01/2022
ბოლო კვლევების თანახმად, იმ კომპანიების 90%, რომლებიც მდგრადი განვითარების ანგარიშს აქვეყნებენ, ამტკიცებს რომ ხელს უწყობს მდგრადი განვითარების მიზნების მიღწევას. მაგრამ უმეტესობა არ განსაზღვრავს ზუსტ მიზნებსა და ამოცანებს, თუ როგორ უნდა შეიტანონ წვლილი მდგრადი განვითარების მიზნების მიღწევაში.
საერთაშორისო ანგარიშგების ინიციატივამ (GRI), 2021 წელს ჩაატარა კვლევა, რომელიც მოიცავდა სხვადასხვა ქვეყნის ორასი კომპანიის, მდგრადი განვითარების ანგარიშის ანალიზს. კვლევის ძირითადი მიგნებებია:
- გამოკითხული კომპანიების უმრავლესობა მხარს უჭერს მდგრადი განვითარების მიზნებს, სწორედ ამიტომ მდგრადობის საკუთარ სტრატეგიებს ამ მიზნებს უკავშირებენ
- გამოკითხული კომპანიების 69%-ს განსაზღვრული აქვს მისთვის პრიორიტეტული მიზნები (SDGs)
- გამოკითხული კომპანიების 40%ს კი აქვს განსაზღვრული ზუსტად, როგორ უნდა მიაღწიოს დასახულ მიზნებს.
კვლევა ხაზს უსვამს იმ ტენდენციებს, რომლებიც არსებობს კერძო სექტორში და აძლევს კომპანიებს რეკომენდაციას, თუ რა შეუძლიათ მათ გააკეთონ ამ საკითხებზე საზოგადოებასთან კომუნიკაციის გასაუმჯობესებლად :
- მათი საქმიანობიდან გამომდინარე განსაზღვრონ მიზნები და ისაუბრონ ამის შესახებ, თუ როგორ შეაქვთ წვლილი მდგრადი განვითარების მიზნების მიღწევაში.
- ისაუბრონ მეტი მათ დადებით ზეგავლენებზე და ასევე გაასაჯაროვონ მათი ნეგატიური ზეგავლენები.
- გახადონ საკუთარი მიღწევები უფრო საჯარო და ყველა საკომუნიკაციო არხი გამოიყენონ ამ საკითხებზე ინფორმაციის გასავრცელებლად
- ჩართონ ანგარიშგებაში მომწოდებლები და მიაწოდონ მათ ინფორმაცია ამ საკითხების მნიშვნელობის შესახებ.
"თუ ჩვენ გვინდა რომ 2030 წლისთვის მივაღწიოთ მდგრადი განვითარების მიზნებს, მაშინ კომპანიებმა უნდა გაანალიზონ თავიანთი როლი და წვლილი შეიტანონ მიზნების მიღწევაში. შესანიშნავია იმის ნახვა, რომ გამოკითხულთა უმეტესობა მხარს უჭერს და ცდილობს ჩააინტეგრიროს SDG საკუთარ საქმიანობაში. ამ ეტაპისთვის მნიშვნელოვანია ნელ-ნელა ბიზნესმა დაიწყოს კონკრეტული მიზნების დასახვა და ამ მიზნებისკენ სწრაფვა. შემდეგ კი ამ ყველაფრის შესახებ ანგარიშგება და ზრუნვა გაუმჯობესებაზე. აუცილებელია მომწოდებლების ჩართვა და მათი მხარდაჭერა". კოლინ კურტისი, Support the Goals, დამფუძნებელი და დირექტორი