თანამედროვე დინამიურ ბიზნესგარემოში მდგრადი და პასუხისმგებელი ბიზნესმიდგომების დანერგვა სასიცოცხლოდ მნიშვნელოვანია მცირე და საშუალო კომპანიებისთვის. ამ მიდგომების განხორციელებას მრავალფეროვანი სარგებელი მოაქვს კომპანიებისთვის, როგორიცაა ხარჯების შემცირება, დაფინანსებაზე წვდომის გაუმჯობესება, გლობალურ ღირებულებათა ჯაჭვებში ინტეგრაცია, დაინტერესებულ მხარეებთან ურთიერთობების გაძლიერება და ბაზრის გაფართოება.
ქართული მცირე და საშუალო კომპანიები ხშირად მაღალი სოციალური პასუხისმგებლობით გამოირჩევიან, თუმცა არ იციან, როგორ გამოიყენონ პასუხისმგებლობის პოტენციალი საკუთარი ბიზნესის სასარგებლოდ.
ტრენინგის მიზანია აღჭურვოს მონაწილეები ძირითადი ცოდნითა და უნარებით, რომლებიც საჭიროა პასუხისმგებელი და მდგრადი პრაქტიკების დასანერგად ბიზნესსაქმიანობაში, ასევე დაეხმაროს მათ გააცნობიერონ და გამოიყენონ ის შესაძლებლობები, რაც კორპორაციულ პასუხისმგებლობას უკავშირდება.
ტრენინგზე განხილული იქნება შემდეგი საკითხები:
პროგრამა ითვალისწინებს როგორც საერთაშორისო გამოცდილებას და საუკეთესო პრაქტიკას, ასევე საქართველოს სოციალურ-პოლიტიკურ და ეკონომიკურ გარემოს და ქართულ კომპანიათა გამოცდილებას ამ სფეროში.
ტრენინგი განკუთვნილია მცირე და საშუალო ზომის კომპანიების საშუალო რგოლისა და ტოპ მენეჯმენტის წარმომადგენლებისათვის.
ტრენინგ-კურსის შინაარსის და ხანგრძლივობის ადაპტირება ხდება კონკრეტული მოთხოვნის საფუძველზე, კლიენტის საჭიროების მიხედვით.
მეტი ინფორმაციისთვის დაგვიკავშირდით.