ჩვენი სერვისები: რას გთავაზობთ

საინფორმაციო სემინარი: კორპორაციული პასუხისმგებლობის სახელმწიფოებრივი განზომილება - საჯარო სექტორის როლი და ხელშეწყობის ინსტრუმენტები

საინფორმაციო სემინარი: კორპორაციული პასუხისმგებლობის სახელმწიფოებრივი განზომილება - საჯარო სექტორის როლი და ხელშეწყობის ინსტრუმენტები

კორპორაციული სოციალური პასუხისმგებლობის ნებაყოფლობითი ხასიათის მიუხედავად, მისი ხელშეწყობისა და განვითარებისათვის მთავრობის როლი ძალიან მნიშვნელოვანია, რაც საყოველთაოდ არის აღიარებული. უკანასკნელი წლების განმავლობაში, მრავალი განვითარებული ევროპული ქვეყნის მთავრობებმა შეიმუშავეს სახელმწიფო პოლიტიკა და სამოქმედო გეგმა CSR-ის ხელშესაწყობად; სხვადასხვა სამთავრობო უწყებები, სპეციალური სამთავრობო კომიტეტები და სხვა ინსტიტუციური სტრუქტურები შეიქმნა CSR-ის საკითხების მართვისა და კოორდინირებისათვის ეროვნულ დონზე. განვითარებადი და გარდამავალი ეკონომიკის ქვეყნებშიც სულ უფრო დიდი ყურადღება ეთმობა ამ საკითხებს საჯარო პოლიტიკის დონეზე. პოლიტიკის მრავალი სხვადასხვა ინსტრუმენტი არსებობს CSR-ის სტიმულირებისა და მხარდაჭერისათვის ხელისუფლების მხრიდან, რაც მკაცრი რეგულირების ალტერნატივას წარმოადგენს.

საქართველოსათვისაც კორპორაციული სოციალური პასუხისმგებლობის განვითარება მრავალი დადებითი შედეგის მომტანია და დიდი წვლილის შეტანა შეუძლია ეროვნული პოლიტიკის ამოცანების შესრულებაში.

სემინარი განკუთვნილია სახელისუფლებო სტრუქტურების წარმომადგენლებისათვის (ადგილობრივი და ცენტრალური მთავრობის, პარლამენტის შესაბამისი კომიტეტების წარმომადგენლებისათვის).

სემინარის პროგრამა მოიცავს ინფორმაციას შემდეგ საკითხებზე:

  • კორპორაციული სოციალური პასუხისმგებლობა როგორც თვითრეგულირების მექანიზმი, მისი საკანონმდებლო და სოციო-ეკონომიკური ასპექტები
  • ხელისუფლების როლი და ფუნქციები კორპორაციული სოციალური პასუხისმგებლობის ხელშეწყობაში - CSR და საკანონმდებლო რეგულირება
  • კორპორაციული პასუხისმგებლობის ხელშეწყობის ძირითადი თემები და პოლიტიკის ინსტრუმენტები
  • ევროკავშირის ქვეყანათა გამოცდილება და სამთავრობო ინიციატივები კორპორაციული სოციალური პასუხისმგებლობის ხელშეწყობისა და სტიმულირების მიზნით
  • კორპორაციული სოციალური პასუხისმგებლობა და საჯარო პოლიტიკა განვითარებადი და გარდამავალი ეკონომიკის ქვეყნებში
  • საქართველოში კორპორაციული სოციალური პასუხისმგებლობის მხარდამჭერი საჯარო პოლიტიკის აქტუალობა - CSR-ის როლი მდგრადი განვითარების ეროვნული მიზნების მიღწევასა და ევროკავშირთან ასოცირების ვალდებულებათა ეფექტურ შესრულებში, ქვეყნის საინვესტიციო მიმზიდველობისა და კონკურენტუნარიანობის ამაღლებაში და ა. შ.

მეტი ინფორმაციისთვის დაგვიკავშირდით.