CSR ჩემპიონები - კომპანიის თანამშრომელთა ტრენინგი

იმისათვის რომ კომპანიის CSR პოლიტიკა წარმატებული იყოს, მნიშვნელოვანია მისი გაცნობიერება და მხარდაჭერა კომპანიის თანამშრომლების მიერ. ინფორმირებული, მოტივირებული და აქტიურად ჩართული თანამშრომლები ნებისმიერი წამოწყების წარმატების წინაპირობაა, განსაკუთრებით კი კორპორაციული სოციალური პასუხისმგებლობისა.

 ამ მიზანს ემსახურება ერთი კონკრეტული კომპანიის თანამშრომელთა ჯგუფისათვის განკუთვნილი ტრენინგი - CSR ჩემპიონები.

ტრენინგი მორგებულია კლიენტი კომპანიის თავისებურებებს, ბიზნეს-მიზნებსა და CSR პროგრამებს და მიზნად ისახავს თანამშრომელთა ინფორმირებას, ცოდნის გაღრმავებას და კომპანიის CSR პოლიტიკის განხორციელებაში მათი ჩართულობის ამაღლებას. ჩვენი ტრენინგ სესიები დაეხმარება თქვენს თანამშრომლებს დასვან სწორი შეკითხვები და თავადვე მოძებნონ პასუხები, გამოიყენონ პასუხისმგებელი მიდგომები საკუთარ საქმიანობაში და უკეთ გააცნობიერონ კომპანიის წინაშე არსებული რისკები და შესაძლებლობები, იფიქრონ უფრო სტრატეგიულად და იყვნენ უფრო ეფექტურები.

ტრენინგი მოიცავს ზოგად ინფორმაციას კორპორაციული პასუხისმგებლობის საკითხების და განხორციელების მოდელების შესახებ:

• CSR-ის კონცეფცია და მისი კავშირი მდგრადი განვითარების ცნებასთან
• CSR და ფილანთროპია
• CSR -ის დანერგვის სტიმულები კომპანიებისათვის და დადებითი შედეგები საზოგადოებისათვის
• საზოგადოების მოლოდინები კომპანიების მიმართ გლობალურად და საქართველოში
• CSR-ის მარეგულირებელი საერთაშორისო სტანდარტები და მენეჯმენტის სისტემები
• CSR-ის შემადგენელი თემები და მისი განხორციელების მოდელები

ტრენინგი ასევე მოიცავს კონკრეტულ, პრაქტიკულ შედეგებზე მიმართულ სესიებს  კომპანიის CSR პოლიტიკასთან და მიზნებთან დაკავშირებით, მაგალითად:

• კომპანიის CSR-ის პრიორიტეტული მიმართულებები და მიმდინარე პროგრამები
• კომპანიის პროგრამების კავშირი მდგრადი განვითარების მიზნებთან
• კომპანიის სამომავლო მიზნები და ხედვა CSR საკითხებთან მიმართებით
• კომპანიაში პასუხისმგებელი ბიზნეს-მიდგომების დანერგვის მექანიზმები
• კომპანიაში CSR პროგრამების განხორციელების მონიტორინგი და შედეგების შეფასება
• კომპანიის დაინტერესებული მხარეები და მათთან კომუნიკაცია - და ა. შ.

ტრენინგის საკითხების ჩამონათვალი საორიენტაციოა. ტრენინგ-პროგრამის  განვითარება და კლიენტი კომპანიის საჭიროებებზე მორგება ხდება კომპანიის წარმომადგენლებთან კონსულტაციების საფუძველზე, დასახული ამოცანის შესაბამისად.

მეტი ინფორმაციისთვის დაგვიკავშირდით.