ჩვენ ვატარებთ ტრენინგებს, რომლებიც განკუთვნილია მსხვილი და მცირე კომპანიებისთვის, მედიის წარმომადგენლებისათვის, სამოქალაქო ორგანიზაციებისათვის, ცენტრალური და ადგილობრივი ხელისუფლების წარმომადგენლებისათვის, სტუდენტებისათვის და სხვადასხვა სექტორის წარმომადგენელთა შერეული ჯგუფებისთვის. ჩვენი ტრენინგები არის დინამიური, ინტერაქტიური, რეალურ მაგალითებზე დაფუძნებული და პრაქტიკულ შედეგზე ორიენტირებული.

ტრენინგის შინაარსის, ხანგრძლივობის და კონკრეტული მიზნების ადაპტირება ხდება დამკვეთ ორგანიზაციასთან კონსულტაციების საფუძველზე, რათა პროგრამამ ოპტიმალური შედეგები მოგიტანოთ და უპასუხოს თქვენს მოლოდინებს.

CSRDG-ის ტრენინგები აგებულია გამოცდილებაზე დაფუძნებული სწავლების პრინციპებზე დაყრდნობით. წარმოდგენილი პროგრამები ინტერაქტიულია და უზრუნველყოფს მონაწილეთა მაქსიმალურ ჩართულობას.

ჩვენი ტრენერები იყენებენ მრავალფეროვან სასწავლო მეთოდებს, როგორიცაა: მინი ლექციები, თემატური სავარჯიშოები, ჯგუფური და ინდივიდუალური დავალებები, ვიდეო რგოლების ჩვენება, დისკუსიები, როლური თამაშები, საბარათე მეთოდი, მინი პრეზენტაციები და სხვ. რათა ცოდნის გადაცემის პროცესი შედეგიანი და სახალისო იყოს.

ჩვენ საკონსულტაციო მომსახურებას ვთავაზობთ ნებისმიერი ზომის და სექტორის კომპანიებს, რომელთაც სურთ განავითარონ ბიზნესი და მიაღწიონ წარმატებას სოციალური პასუხისმგებლობისა და კორპორაციული მდგრადობის საერთაშორისო სტანდარტების და საუკეთესო პრაქტიკის შესაბამისად.

კორპორაციული სოციალური პასუხისმგებლობის სფეროში მრავალწლიან გამოცდილებაზე დაყრდნობით, ჩვენ შემოგთავაზებთ ქმედით და პრაქტიკულ გადაწყვეტილებებს, რომლებიც თქვენ კონკრეტულ საჭიროებებზე იქნება მორგებული.

ჩვენ დაგეხმარებით განსაზღვროთ, რა მიმართულებით  განავითაროთ თქვენი კორპორაციული პასუხისმგებლობა, დასახოთ გრძელვადიანი მიზნები და გამოკვეთოთ სტრატეგიული მიმართულებები, შეაფასოთ რისკები და გამოავლინოთ შესაძლებლობები, შეიმუშაოთ ქმედითი CSR პოლიტიკა და განახორციელოთ იგი.

ჩვენი ძირითადი მეთოდოლოგიური მიდგომაა თანამონაწილეობითი პროცესის ფასილიტაცია. მისი მიზანია ხელი შეუწყოს კლიენტის აქტიურ ჩართულობას და ლიდერობას საკონსულტაციო პროცესის ყველა ეტაპზე და დაეხმაროს კლიენტს იმ უნარების ჩამოყალიბებაში, რომლებიც პროცესის უწყვეტობას და შედეგების მდგრადობას უზრუნველყოფს საკონსულტაციო მომსახურების დასრულების შემდეგაც.

საკონსულტაციო მომსახურების ფარგლებში გამოყენებული ძირითადი მეთოდები მოიცავს: ინდივიდუალურ და ჯგუფურ სამუშაო შეხვედრებს, სემინარებს, ინტერვიუებს, დოკუმენტების ანალიზს, რეკომენდაციებისა და უკუკავშირის მიწოდებას.